♡ رب کی محبت کا رنگ ♡
یہ محبت یوں تو کئ رنگوں میں پائی جاتی ہںے ۔۔۔ اور ان رنگوں میں کئ رنگ بڑے دلکش و دل نشیں ہوتے ہیں, دل کو لبھانے والے ۔۔۔ جیسے والدین کی محبت ، بہن بھائیوں کی محبت ، ساتھیوں اور ہمجولیوں کی محبت ۔۔۔۔ جیسے جیسے زندگی میں تغیر و تبدل ہوتا ہںے ویسے ویسے یہ محبت مختلف رنگوں میں تبدیل ہوتی جاتی ہںے اور یہ محبت کی رنگارنگ تہذیب زندگی کے ساتھ چلتی ہی رہتی ہںے۔۔۔۔۔
لیکن۔۔۔۔
ان کھلکھلاتے ہوۓ ، مہکتے ہوۓ، دل کو لبھاتے ہوۓ رنگوں میں ایک "خاص بہت ہی خاص رنگ " ہوتا ہںے۔۔۔۔ جانتے ہو وہ خاص و خالص اور بیش بہا قیمتی رنگ کون سا ہوتا ہںے۔۔۔ "رب کی محبت" یہ ہوتا ہںے وہ قیمتی اور انمول رنگ ۔۔۔۔ یہ جو محبت ہوتی ہںے نا یہ ہمیں جینا سکھاتی ہںے ، یہ ہمیں ہر قدم پر تھام لیتی ہںے کبھی تنہا نہیں چھوڑتی ۔۔۔ یہ محبت جسے مل جائے اسے کبھی مایوس نہیں کرتی بلکہ اسے خوشیوں سے رنگ دیتی ہںے، جسے یہ محبت مل جاۓ اس کی زندگی میں بہار ہی بہار آجاتی ہیں، یہ محبت کبھی رسوا نہیں کرتی بلکہ رسوائی اور غموں کے اندھیروں کو ہم سے دور کرتی ہںے۔۔۔
یہ رنگ پاکیزہ دلوں پر چڑھتا ہںے ، جہاں نعمتوں کا شکر اور رب کا ذکر ہو وہاں چڑھتا ہںے یہ رنگ... یہ رنگ اس طرح معطر ہوتا ہںے کہ دنیا کے رنگ بھی متاثر نہیں کرتے بلکہ زندگانی کے رنگ بدل جاتے ہںے۔۔۔ پھر یہ رنگ کچھ اس طرح سے زندگی میں عیاں ہوتا کہ ۔۔۔۔ کسی کے لہجوں میں مہکتا ہوا ایمان کا رنگ ، کسی ٹوٹے دلوں پر کلام اللہ کا رنگ ، چہروں پر خوف الہی کا رنگ ، کہیں آنکھوں میں عیاں تو کہیں نمازوں میں خشوع کے ذریعے، کہیں زبان پر ذکر کے ذریعے ۔۔۔۔۔ اس طرح عیاں ہوتا ہںے یہ "رب کی محبت کا رنگ" انمول دلوں میں ۔۔۔
دوستوں تم بھی خود کو اس بیش بہا قیمتی خاص رنگ میں خود کو رنگ لو زندگی کا اصل مزہ تو اسی رنگ میں ہںے۔۔۔
صِبْغَةَ اللَّهِ ۖ وَمَنْ أَحْسَنُ مِنَ اللَّهِ صِبْغَةً ۖ وَنَحْنُ لَهُ عَابِدُونَ
رنگ اللہ کا اور کس کا اچھا ہںے رنگ اللہ سے؟اور ہم اسی کی عبادت کرنے والے ہیں۔(سورۃالبقرہ:١٣٨)
0 تبصرے